DESCRIPTION
星期一 晴 間中密雲 （圖片為荔枝角收押所）今朝準時6:30起身，準時7:30出倉，雖然大家都係監獄，但荔枝角、石壁、小欖及赤柱，都有好大分別。石壁係高設防監獄，但有好多不必要嘅閘，又手動又電動，單由落囚車去指模房就有七道閘，而赤柱由出倉去到Workshop 都係三道閘。而小欖就係物品上比較嚴，因為怕你自殺，一條匙羹都唔會比你Keep。荔枝角就工作率慢，乜都是是旦旦。石壁職員最喜歡玩人，而赤柱係最多地下活動，例如“劃非” “出餸” “士多”等等，我都係去到赤柱先識。 可能昨日星期日玩得過勞，今日有啲攰，記得在石壁見到“杜啟華”時，他第一個星期日和我們彈結他唱歌，佢又攞一個結他當鼓打，還記得他對我說“估唔到係監獄都可以玩得咁開心”。今日照常早飯，工作，打波玩排球，冲涼，午餐，晚餐，返倉，好平淡的一天。 今日打排球時，同囚友玩得幾開心，因為自己之前係排球發燒友，又有隧伍打比賽，所以都教左小小技巧比佢地。又教佢地排球走位，setter技巧，走位等等.... 今日想剪頭髮，可惜今日沒有準時特別嘅剪，所以要等下次。雖然來了赤柱時間好短，但感覺比石壁舒服，職員比較友善。