DESCRIPTION
星期日 晴 間中有雨 34° 早睡早起，未夠六點就起身，洗完面做晒應該做嘅嘢，摺被換衫後，還有很多時間，就攞本日記出來寫吓。以前讀書時期，日日寫文做工課，字體都叫做見得人，可能停了太久了，初入獄又開始寫信/寫日記，覺得字體也回復之前狀態，日日寫咁多字！ 今日星期日，休息日無須工作，而且可以玩結他了，心情真的有點興奮。一早出倉，就即刻去操場做運動，到了八點後，先到飯堂食早飯，食完就全日係飯堂活動(赤柱呢個飯堂有幾千呎，接近成萬呎，我地五十幾人活動都相當足夠，樓底又有三層樓咁高）。看見有職員攞住三個結他入來，但冇我份？好失望，職員話我知，原來有手續要填寫。要等到星期一，1）要攞結他就要寫監頭簿，2）又要寫寄信（監獄寄信到其他監獄，無須貼郵票，只要落監頭簿，就可以內部遞信，3）要買包頭袋，都要落監頭簿，原來要寫監頭簿，係石壁個陣，根本唔知有呢樣嘢。好在有個老外借個結他比我玩，總算無咁悶。中午12:30就食包妹（面及及粥），食完午餐，一直玩結他玩到三點幾四點，就要收結他了，都玩得開心，苦中作樂，日子會比較好過點。又到晚餐，都係同樣在飯堂，今晚啲菜都幾好味，比石壁的好，但最好味都係小欖。人在赤柱，食得飽左，又可以打吓波，又晒黑左，夏天係赤柱真係好熱，食飽飯都係飯堂冲涼，因為赤柱每個飯堂都有冲涼房。希望可以落多啲雨降吓温！ 飯堂都算涼，樓底高，又有好多牛角扇係牆上面。但返到房就好熱，希望可以快啲除薄（小欖給我的黃薄），除薄後就可以調去有冷風水機的房間，係赤柱日日踢竇，今日都唔例外，或者係新人啦！入到房，啲嘢亂七八糟，執吓嘢，寫吓信，聽吓猫仔，訓！