DESCRIPTION
早起已成為習慣，6am 就醒左7am 起身，之後出倉食早飯，今日落雨，無得出球場。每日重覆又重覆的生活，真係好悶，真係會另到個人好懶散，做什麼都提唔起勁。
無得去球場，只有留係飯堂同囚友捉吓棋，又係同個老千伯伯捉棋，其實只要留心啲就見到佢隻手真係好靈活，偷棋換位易如反掌，如果唔係牛咁眼望住，根本唔會發現。
返到Workshop 正式開始新的工作，暫時都係抹吓啲黃車，掃吓地拖吓地，這都是簡單工作，上午一次，下午一次，就係咁多。
到了晚飯時，又call 我返房執嘢，因為甩左簿又要搬房。短短一個月內，由車衣搬去洗衣，洗衣就要裝修搬第二次，今次甩簿搬第三次啦！真係好麻煩，同一個洗衣期都要咁樣分。搬一次房，又要清潔一次，真係無聊，好在工作唔多。赤柱監房，總共有三層，連房間分配都有階級，可見係黑社會的圈子中，階級觀念係非常重視，連監獄都要咁樣。
新嘅房發現沒有什麼風可以吹到入去，氣溫比地下房間熱好多！即時同職員反影左，睇吓職員會唔會安排另一間好啲嘅房比我。因為赤柱職員比石壁好好多，大家有商有量，唔知係咪因為赤柱係黑手，好多大佬輩係到呢？