收音機就係監獄中可以在倉內的娛樂之一，另一個娛樂就係睇書及報紙。監獄內的收音係利用耳筒做天線同唯一收聽的方法，昨晚我發現條猫鬚（耳筒）壞壞地，昨晚已經開始聽唔到。要寫監頭簿買一條猫鬚，而可以寫低由自己糧單扣，或由探訪親友支付。照舊6:30起身，如常洗面擦牙摺被，如常出倉食早飯。區諾軒始終係一位公眾人物，如終受人關注。
返到workshop後，9:00就call 去上堂“食物安全經理”，去到一間有冷氣房的課室，課程共三日，每日有兩節，9～12 / 14～16 等三日考試。第一節完左就會去飯堂一齊食飯，食飯時都係同區諾軒傾了一陣間，始終大家會互相照應，大家會講吓“自由”呢個話題，又會講吓“仇警”呢個話題。下午，繼續上堂。
剛剛上完堂，就有由華叔叫我加入三個人名的探監師來探我“珍姐三人組”，三位中老年女士，感謝她們，我都係從佢地口中，得知我的囚友“嘉豪” “卡比” “小雄” “華叔”等大家的近況，因為她們都有去探訪佢地，總比我寫信好。原來"小雄"都去了壁屋同“華叔”一齊，原來懲教係會將啲囚犯調來調去，目的係防止囚友間太好朋友，會有不鬼共同行為。
探訪完返到飯堂，大家已經食完飯，B仔安排補返一個飯比我。而且今日係出糧日，大家會輪住去士多攞糧食，所以今次出糧要B仔幫我攞！食緊飯突然又話我要調去洗衣期！唔係卦，我仲有三個月左右就放學，仲要調來調去？要我一食完飯即刻返去73號倉執嘢調去9號倉，來到赤柱都唔夠一個月，已經調左四次倉，我當時有同職員反影我唔想調，原因係我由最低F剛剛升上去D 人工由二佰幾去到五佰幾，又要我從低做起，當時職員答應我，照跟我D級人工過去，咁都好啲。又要從新識過班新朋友！
PS: 日後當我放學之後，區諾軒被指為二五仔，但在當時未發生的。調期數的原因都是因為區諾軒落左來，所以要我走，其實要佢直接去洗衣期就得啦！懲教就係咁奇怪。