DESCRIPTION
今日星期日，大衛Day繼續落雨，收音機無乜好聽，反而昨晚半夜仲會有好多舊歌聽。早上六點醒左，起身，出倉，早飯，攞結他，好在放風時無落雨，所以有得出球場，今日唔換波褲，始終無得比我打波（排球），四圍行吓就算。返到飯堂，都係玩結他唱吓歌。有個囚友叫 C 朗，可以同佢夾份食午餐（可以食牛油/果醬面包）兩非煙便可，大家夾份可以食齊兩樣!
今日冲涼時，有位來左幾個月但又因為入左水飯房，出返來就要由最低做起，佢係冲涼時不停咁話比人屈，其實佢係上庭時，話人地幫佢做嘢要收煙（B 仔負責幫我地寫監頭薄，剪髮由B仔安排等等，所以B仔係會收倉煙，大約五非一期糧）這是監獄入面的不明文規則之一，其實監獄不明文規則有好多，點都唔會上庭同法官講？佢真係傻傻地！！
我咁嘅年紀，都係唱張學友/張國榮等舊歌，同年輕囚友有代溝!佢地只識小部份，所以我要努力學新歌。明日又係公眾假期，明日繼續玩，晚飯後返倉，昨晚才剛剛知道區諾軒轉左單人倉係對面，但今晚返倉又見唔到佢。